Архангелу Михаилу
О, великий Архистратиже Божий Архангеле Михаиле победитель демонов! Победи и сокруши всех врагов моих видимых и невидимых, и умоли Господа Вседержителя, да спасет и сохранит мя Господь от всех скорбей и от всякия болезни, от смертныя язвы и напрасныя (внезапной) смерти.
Святый Архангеле Божий Михаиле! Отжени от мене молниеносным мечем твоим духа лукавого, унылаго, искушающего мя, ныне и присно и во веки веков. Аминь.
Святый Архистратиже Михаиле, поможе мне победити врагов, видимых и невидимых, и супостатов воюющих на душу и тело мое. И моли Бога о мне грешном. Аминь.
Архангелу Гавриилу
О, великий Архангеле Божий Гаврииле! Ты благовестил еси Пречистой Деве Марии зачатие Сына Божия. Возвести и мне грешному страшный день моей смерти, и умоли Господа Бога за грешную мою душу, да простит Господь грехи мои, и не удержат мя диаволи на мытарствах за грехи мои.
Святый Архангеле Божий Гаврииле, радость неизреченную с Небес Пречистой Деве Марии принесший! Исполни радостию и веселием сердце мое, гордостию преогорченное, и сохрани мя от всех бед и тяжкой болезни, ныне и присно и во веки веков. Аминь.
Святый Архангеле Гаврииле, благовести мне радость, и спасение души моей. И моли Бога о мне грешном. Аминь.
Архангелу Рафаилу
О великий Архангеле Божий Рафаиле, приемый дар от Бога целити недуги! Исцели неисцельныя язвы моего сердца и многия болезни моего тела.
Святый Архангеле Божий Рафаиле! Ты еси путеводитель, врач и целитель, руководствуй мя ко спасению, и исцели все болезни мои душевныя и телесныя, и проведи мя к Престолу Божию, и умоли Его благоутробие за грешную душу мою, да простит мя Господь и сохранит от всех врагов моих и от злых человек, отные и до века. Аминь.
Святый Архангеле Рафаиле, исцели мои недуги, и страсти душевные, и телесные. И моли Бога о мне грешном. Аминь.
Архангелу Салафиилу
О великий Архангеле Божий Салафииле, дающий молитву молящемуся! Научи меня молится молитвою пламенной, смиренной, сокрушенной, сердечной, сосредоточенной и умиленной.
Святый Архангеле Божий Салафииле! Ты молишь Бога за людей верующих, умоли Его благоутробие за мя, грешнаго, да избавит мя Господь от всех бед и скорбей, и от болезней, и от напрасныя смерти, и от муки вечныя, да сподобит мя Господь Царствия Небесного со всеми Святыми, во веки веков. Аминь.
Святый Архангеле Салафииле, возбуди меня в дни и ночи, на славословие Божественное. И моли Бога о мне грешном. Аминь.
Архангелу Уриилу
О, великий Архангеле Божий Урииле! Ты еси сияние огня Божественного и просветитель помраченных грехами, просвети мой ум, сердце мое и волю мою силою Святого Духа, и настави мя на путь покаяния, и умоли Господа Бога, да избавит мя Господь от ада преисподняго и от всех врагов видимых и невидимых.
Святый Архангеле Божий Урииле, светом Божественным озаряемый и преизобильно исполненный огня и пламенной горячей любви! Брось искру огня сего пламенного в мое сердце холодное, у душу мою темную светом твоим озари, ныне и присно и во веки веков. Аминь.
Святый Архангеле Урииле, просвети мой ум потемневший, и оскверненный моими страстями. И моли Бога о мне грешном.
Архангелу Иегудиилу
О, великий Архангеле Божий Иегудииле, ревностный защитниче славы Божией! Ты возбуждаеши прославлять Святую Троицу, пробуди и мя ленивого славити Отца и Сына и Святаго Духа, и умоли Господа Вседержителя, да созидждет во мне сердце чисто, и дух прав обновит во утробе моей, и духом Владычным утвердит мя поклонятися Богу духом и истиною.
Святый Архангеле Божий Иегудииле, присный споспешниче и заступниче всех подвизающихся на пути Христовом! Возбуди мя от тяжкого сна греховной лености, и подвигом добрым подвизатися вразуми и укрепи мя, во имя Отца и Сына и Святаго Духа, ныне и присно и во веки веков. Аминь.
Святый Архангеле Иегудииле, утверди меня на всякое дело и труд. И моли Бога о мне грешном. Аминь.
Архангелу Варахиилу
О великий Архангеле Божий Варахииле, предстоящий Престолу Божию и от Престола приносящий благословение в дом рабов Божиих! Испроси у Господа Бога милосердие и благословение, да благословит Господь от Сиона и от горы святыя Своея, и умножит изобилие плодов земных, и подаст нам здравие и спасение, на врагов победу и одоление, и сохранит нас на многая лета.
Святый Архангеле Варахииле, благословение от Господа нам приносящий! Благослови мя положить начало благое исправлению нерадивого жития моего, да угожду во всем Господу Спасителю моему, ныне и присно и во веки веков. Аминь.
Святый Архангеле Варахииле, исходатайствуй мне милость у Господа. И моли Бога о мне грешном. Аминь.
Молитва своему личному ангелу-хранителю
Ангеле Христов, хранителю мой святый и покровителю души и тела моего, вся ми прости, елика согреших во днешний день, и от всякого лукавствия противнаго ми врага избави мя, да ни в коем же гресте прогневаю Бога моего, но моли за мя, грешного и недостойного раба, яко да достойна мя покажеши благости и милости Всесвятыя Троицы и Матере Господа моего Иисуса Христа и всех святых. Аминь.